मिथिला मिरर, पटनाः भारत आ दक्षिण अफ्रीका बीच पहिल टी20 अंतरराष्ट्रीय मैच कटक के बराबती स्टेडियम मे खेलाएल गेल, जतए भारतक टीम प्रभावशाली प्रदर्शन करैत दक्षिण अफ्रीका केँ 74 रन पर ऑल-आउट क’ 101 रन सँ हरौलनि। भारत पहिने बल्लेबाजी करैत 20 ओवर मे 175/6 बनौलक, जे दक्षिण अफ्रीका पर भारी पड़ल आ प्रतिद्वंदी टीम मात्र 12.3 ओवर में आउट भ’ गेल। ई दक्षिण अफ्रीका के टी20 इतिहास मे सभसँ कम इनिंग स्कोर रहल। मैच मे भारतक हार्दिक पांड्या सर्वश्रेष्ठ खिलाड़ी बनलाह, जे बिना आउट भेने 59 रन 28 गेंद पर खेलेलाह आ टीम केँ सम्मानजनक स्कोर तक पहुँचेलाह। पांड्याक ओपनिंग सँ मध्यक्रम तकक बेहतरीन बल्लेबाजी आ दबावपूर्ण स्थिति मे ताबड़तोड़ रन टीम के विशाल स्कोर तक पहुँचा देलक, जे जीतक आधार बनल। हुनकर बल्लेबाजीक अलावे भारतीय गेंदबाज सभ सेहो शानदार बॉलिंग केलनि आ तेजी सँ विकेट लैत विपक्षी टीम केँ दबाव मे रखलनि, जाहि सँ मैच भारतीय पक्ष मे एकतरफा समाप्त भ’ गेल। भारत एहि विजय संग दोनों टीमक पाँच मैचक टी20 सीरीज मे 1-0 सँ बढ़त हासिल कएलक, आ आगामी मुकाबला मे दक्षिण अफ्रीका मजबूती सँ वापसी करबाक प्रयास करत।
The post भारत आ दक्षिण अफ्रीका बीच पहिल टी20 अंतरराष्ट्रीय मैच मे भारतक शानदार जीत appeared first on मिथिला मिरर.
